কৃষ্ণাষ্টকম্ - বসুদেবসুতং দেবং - আদি শঙ্করাচার্য দ্বারা রচিত, বাংলা প্রতিলিপি ও অনুবাদ সহ

वसुदेवसुतं देवं कंसचाणूरमर्दनम् ।
देवकीपरमानन्दं कृष्णं वन्दे जगद्गुरुम् ॥ १ ॥
বসুদেবসুতং দেবং কংসচাণূরমর্দনম্ ।
দেবকীপরমানন্দং কৃষ্ণং বন্দে জগদ্গুরুম্ ॥ ১ ॥

अतसीपुष्पसङ्काशं हारनूपुरशोभितम् ।
रत्नकङ्कणकेयूरं कृष्णं वन्दे जगद्गुरुम् ॥ २ ॥
অতসীপুষ্পসঙ্কাশং হারনূপুরশোভিতম্ ।
রত্নকঙ্কণকেয়ূরং কৃষ্ণং বন্দে জগদ্গুরুম্ ॥ ২ ॥

कुटिलालकसम्युक्तं पूर्णचन्द्रनिभाननम् ।
विलसत्कुण्डलधरं कृष्णं वन्दे जगद्गुरुम् ॥ ३ ॥
কুটিলালকসংযুক্তং পূর্ণচন্দ্রনিভাননম্ ।
বিলসত্কুণ্ডলধরং কৃষ্ণং বন্দে জগদ্গুরুম্ ॥ ৩ ॥

मन्दारगन्धसम्युक्तं चारुहासं चतुर्भुजम् ।
बर्हिपिञ्छावचूडाङ्गं कृष्णं वन्दे जगद्गुरुम् ॥ ४ ॥
মন্দারগন্ধসংযুক্তং চারুহাসং চতুর্ভূজম্ ।
বর্হিপিঞ্ছাভচূডাঙ্গং কৃষ্ণং বন্দে জগদ্গুরুম্ ॥ ৪ ॥

उत्फुल्लपद्मपत्राक्षं नीलजीमूतसन्निभम् ।
यादवानां शिरोरत्नं कृष्णं वन्दे जगद्गुरुम् ॥ ५ ॥
উৎফুল্লপদ্মপত্রাক্ষং নীলজীমূতসন্নিভম্ ।
যাদবানাং শিরোরত্নং কৃষ্ণং বন্দে জগদ্গুরুম্ ॥ ৫ ॥

रुक्मिणीकेलिसम्युक्तं पीताम्बरसुशोभितम् ।
अवाप्ततुलसीगन्धं कृष्णं वन्दे जगद्गुरुम् ॥ ६ ॥
রুক্মিণীকেলিসংযুক্তং পীতাম্বরসুশোভিতম্ ।
অবাপ্ততুলসীগন্ধং কৃষ্ণং বন্দে জগদ্গুরুম্ ॥ ৬ ॥

गोपिकानां कुचद्वन्द्वकुङ्कुमाङ्कितवक्षसम् ।
श्रीनिकेतं महेष्वासं कृष्णं वन्दे जगद्गुरुम् ॥ ७ ॥
গোপিকানাং কুচদ্বন্দ্বকুঙ্কুমাঙ্কিতবক্ষসম্ ।
শ্রীনিকেতং মহেষ্বাসং কৃষ্ণং বন্দে জগদ্গুরুম্ ॥ ৭ ॥

श्रीवत्साङ्कं महोरस्कं वनमालाविराजितम् ।
शङ्खचक्रधरं देवं कृष्णं वन्दे जगद्गुरुम् ॥ ८ ॥
শ্রীবৎসাঙ্কং মহোরস্কং বনমালাবিরাজিতম্ ।
শঙ্খচক্রধরং দেবং কৃষ্ণং বন্দে জগদ্গুরুম্ ॥ ৮ ॥

कृष्णाष्टकमिदं पुण्यं प्रातरुत्थाय यः पठेत् ।
कोटिजन्मकृतं पापं स्मरणेन विनश्यति ॥ ९ ॥
इति श्री कृष्णाष्टकम् ॥
কৃষ্ণাষ্টকমিদং পুন্যং প্রাতরুত্ত্থায় যঃ পঠেত্ ।
কোটিজন্মকৃতং পাপং স্মরণেন বিনশ্যতি ॥ ৯ ॥
ইতি শ্রী কৃষ্ণাষ্টকম্॥